Bolinayan

Bolinayan

Awad osan dadaan ug-ugod di manmanakman

Kaykayngaan di kaadwan

Adsak mailadawan kinapintas nat atam

Ad-adduwan dat masmasdaaw

Sika ud kapintasan

Sinamsamok apo Kabunyan

Bibbilig kaitnugan

Inummuyak pay Paswoy ta iyak pay mandangol

Kulilipan nu on naawong

Innummuyak wangwang bani

Ta iyak isdungan

Djagsiyan man-om-omsan

Iyak pay nakail-an, sillot nun nabalitukan

Kinapintas nu dumangdangrang

Dawatok apo Kabunyan

Ta iyak pay isdungan, ta mailak si Bolinayan

Kiwidom pay ton imak

Ta adiyak matalak

Bolinayan ko kaykayngaak

Istay adi nanpada

Paniempon istorya ta

Ummuna ka . . . nasapa . . .

Ullay iyak naudi ayat ko un nasudi

Bolinayan kot mampauli

Iyak masupapakan

Intod nu kanginaan

Imis mon kapintasan

Nummuyak sin bibbilig

Ta iyak yan maulig

Ta awad kan iyak ilaglagip